АСТАНА. ҚазАқпарат - Астанада Тәуелсіздік даңғылы мен Шарль де Голь көшесінің қиылысында жаңадан салынып жатқан нысан өртенді, деп хабарлайды ҚазАқпарат тілшісі.
Бұл хабарды ҚР ІІМ Төтенше жағдайлар комитетінің ресми өкілі Руслан Иманқұлов растады.
«Тәуелсіздік даңғылы мен Шарль де Голь көшесінің қиылысында жаңадан салынып жатқан нысан өртенді. Онда бетон үлестіретін тораптан өрт шыққан. Оқиға орнына жақын жерде орналасқан №9 өрт сөндіру бөлімінен үш техника және 8 өрт сөндіруші жіберілді», - деп жауап берді Руслан Иманқұлов ҚазАқпарат тілшісіне.
Толығырақ ақпаратты Төтенше жағдайлар комитеті қосымша хабарлайды.
Айжан Серікжанқызы
Айжан Серікжанқызы Қасым Л. Н. Гумилев атындағы Еуразия ұлттық университеті Журналистика және саясаттану факультетінің түлегі. Мамандық бойынша РФ Татарстанның Қазан қаласында, Польшаның Вроцлав қаласында тағылымдамадан өткен. 2017 жылдан бері ҚазАқпарат агенттігінде жұмыс істейді.