Атырау облысында суда қалып қойған 65 жылқы құтқарылды
ҚЫЗЫЛОРДА. KAZINFORM — Қызылордалық құтқарушылар Атырау облысында Жайық өзеніндегі мол судың салдарынан аралда қалып қойған 65 жылқыны қауіпсіз жерге шығарды.
Фото: Қызылорда облысы ТЖД
Фото: Қызылорда облысы ТЖД
Оқиға кеше, 5 мамырда Атырау облысы Индер ауданына қарасты Есбол ауылы аумағында болған.
Фото: Қызылорда облысы ТЖД
Жайық өзеніндегі мол судың салдарынан аралда қалып қойған 65 жылқы құтқарылған.
Фото: Қызылорда облысы ТЖД
«Оқиғаға байланысты хабар түскеннен кейін Қызылорда облыстық төтенше жағдайлар департаментінің құтқарушылары дереу жетті. Сол аумақта бес үйір жылқының жүргені анықталды. Олардың саны 65 басты құрайды. Үрлемелі қайықтың көмегімен бес құтарушы жылқыларды қауіпсіз жағалауға шығарды», — дейді Қызылорда облысы ТЖД жедел құтқару жасағының Сүңгуірлік бөлімшенің жетекшісі Ролан Әбдіхалықов.
Фото: Қызылорда облысы ТЖД
Департаменттің мәліметіне сүйенсек, су тасқыны болған аймақтарда қызылордалық 98 құтқарушы тәулік бойына қызмет атқарып келеді.
Фото: Қызылорда облысы ТЖД
Бүгінге дейін олар Қостанай, Ақтөбе, Батыс Қазақстан облыстарында құтқару жұмыстарына белсене қатысты.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.