АСТАНА. KAZINFORM — Атырау қаласының Алмагүл шағынауданында 9 қабатты тұрғын үйдің 2-қабатындағы подъезде электр сымдарының қысқа тұйықталуынан өрт шықты. Бұл туралы ТЖМ баспасөз қызметі мәлім етті.
9 қабатты тұрғын үйдің 2 және 3 қабатындағы электр қораптары өртенген.
ТЖМ күштері баспалдақ арқылы 7 адамды, оның ішінде 5 баланы құтқарды. 36 адам эвакуацияланды, оның ішінде 10 бала бар.
Өрт қысқа мерзімде сөндірілді, зардап шеккендер жоқ.
Еске сала кетейік, бұған дейін Атырауда теңіз жағасындағы қамыс өртеніп жатқанын жаздық.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)