АТЫРАУ.KAZINFORM - Атырауда 8 шілде кешке қала тұрғындары ауада жағымсыз иістің таралғанына шағымданды. Осыған байланысты облыстық экология департаментінің қызметкерлері атмосфералық ауаның сапасына сынама алу жұмыстарын жүргізіп жатыр.
Экология департаментінің мәліметінше, зерттеу желдің бағыты ескеріліп, өндірістік кәсіпорындардың санитарлық-қорғау аймақтарынан тыс аумақтарда жүргізіліп жатыр.
Алынған сынамалар зертханалық талдаудан өткізіліп, атмосфералық ауадағы ластаушы заттардың мөлшері анықталады. Зерттеу қорытындысы шыққаннан кейін оның нәтижесі қосымша жарияланады.
Бұған дейін Атыраудың ауасына тікелей әсері бар Атырауда «Квадрат» булану алаңын тазалау жұмысы жоспардан кешігіп жатқанын жазған едік.
Нұрбибі Теміртасова
Х. Досмұхамедов атындағы Атырау университетінде «Журналистика және ақпарат» мамандығы бойынша білім алған. Медиа саласындағы жұмыс өтілі 5 жылдан асады. 2025 жылдың желтоқсан айынан бері Kazinform агенттігінің Атыраудағы тілшісі.