АТЫРАУ. ҚазАқпарат - Атырауда дзюдодан ерлер және әйелдер арасындағы Қазақстан чемпионаты мәресіне жетті. Төртінші жарыс күнінде балуандар аралас командалық кездесуде сайысқа түсті, деп хабарлайды ҚазАқпарат тілшісі.
Жарыс барысында Жетісу облысының балуандары бірінші орын алды. Олар финалда Маңғыстау облысының спортшыларынан 4:3 есебімен басым түсті.
Екі облыс балуандары арасындағы бәсеке өте тартысты өтті.
Жетісу облысынан Іңкәр Төлепбероенова (57 келі), Мөлдір Нарынова (70 келі), Камила Берліқаш (70 келіден жоғары) жеңсе, Маңғыстау облысынан Асқар Нарқұлов (73 келі), Руслан Мұсаев (90 келі), Нұрдәулет Жарылқапов (90 келіден жоғары) жеңімпаз болды.
Осылайша 3:3 есебі тіркелді.
Қосымша белдесуде Мөлдір Нарынова өз командасына жеңіс сыйлады.
Үшінші орын Атырау және Алматы облысы балуандарына бұйырды.
Еске салсақ, бұдан бұрын алғашқы үш жарыс күніндегі нәтижені хабарлаған болатынбыз.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.