Атырауда үш аптада 7 егіз дүниеге келді
08:42, 27 Тамыз 2021
АТЫРАУ. ҚазАқпарат – Атырауда үш аптада 7 егіз дүниеге келді, деп хабарлайды ҚазАқпарат.
Облыстық денсаулық сақтау басқармасы баспасөз қызметінің мәліметінше, 1-26 тамыз аралығында облыстық перинаталдық орталықта 7 егіз сәби жарық дүниеге келген.
«Егіздердің 6-ауы – ұл, 8-і – қыз. Қазір нәрестелердің барлығының денсаулық жағдайы жақсы. Дәрігерлердің бақылауына алынды» -деп хабарлады басқарманың баспасөз қызметі.
Еске сала кетелік, бұдан бұрын Атырауда былтырғы маусымнан бері 12 мыңнан астам нәресте өмірге келгенін жазған едік.