Аударыспақ: Қазақстан қоржынына екі алтын, бір күміс түсті
17:06, 10 Қыркүйек 2024
АСТАНА. KAZINFORM – Бүгін аударыспақтан үш салмақ бойынша жеңімпаздар анықталды.
100 келі салмақта сынға түскен отандасымыз Сырым Ізбасаров финалда моңғол спортшысы Ерболат Жеңісбекті жеңіп, алтын медаль еншіледі.
Ал 100 келіден жоғары салмақта бақ сынаған қазақстандық Біржан Қосалиев ақтық сында Қырғызстан спортшысы Күмушбек Қыдырәлиевті жеңіп, алтынға қол жеткізді.
90 келі салмақта сынға түскен отандасымыз Есімхан Рахматіллә финалда Қырғызстан спортшысы Ислам Бердібекуулынан жеңіліп, күміс медаль алды.
Аударыспақтан ұлттық құраманың барлық спортшысы финалға шыққанын жазған болатынбыз.