«Ауылдарды дамытуға бөлініп жатқан мемлекеттік бюджет көлемінің ұлғаюы жеке инвестициялар үлесін де арттыра түсті.
2019 жылы жеке инвестициялардың көлемі 2,5 трлн теңге болса, 2022 жылы 3,1 трлн теңге болды», - деген министр ауылдарды дамытудың 2023-2027 жылдарға арналған тұжырымдамасына тоқталды.
«Тұжырымдамада ауыл халқының өмір сүру сапасын жақсарту бойынша «Ауыл – ел бесігі» бағдарламасын іске асыру, сумен, электрмен, газбен жабдықтау, шекарамаңы аумақтарында әлеуметтік және инженерлік инфрақұрылымды қамту, жергілікті маңызы бар жолдарды салу, жөндеу және әлеуметтік объектілер құрылысы бойынша шаралар қамтылған», - деді Әлібек Қуантыров.
Бүгін Үкімет отырысында Премьер-Министр Әлихан Смайылов биыл республикалық бюджеттен «Ауыл - ел бесігі» жобасына 198 млрд теңге бөлінгенін мәлім етті. Сондай-ақ ол әкімдерге ауылдарды дамытуға жеке инвестицияларды тарту жұмысын жеделдетуді тапсырды.
Сондай-ақ Үкімет басшысы ауылға бөлінген қаржыны игермеген өңірлерді сынға алды.