АСТАНА. KAZINFORM – Қауіпсіздікті күшейту мақсатында әйелдер вагондарының саны ұлғайтылады. Бұл жөнінде «Қазақстан темір жолы» ҰК» АҚ басқарма төрағасы Талғат Алдыбергенов Үкімет отырысынан кейінгі баспасөз конференциясында мәлімдеді.
– Әйелдер вагондарында жалпы 860 мыңдай жолаушы тасымалданды. Ал биыл жыл басынан бері бұл көрсеткіш – жүз мың адам. Ондай вагондарда қызмет көрсететін жолсеріктер де – әйелдер. Қауіпсіздік қамтамасыз етілген. Әйелдер вагондарының санын көбейтіп жатырмыз. Қазір ондай вагондар 12 бағыт бойынша қатынайды, – деді ол.
Айта кетейік, бұған дейін биыл теміржол арқылы 131 млн тонна жүк тасымалданғанын жазғанбыз.
Алпамыс Файзолла
Әл-Фараби атындағы ҚазҰУ журналистика факультетінің түлегі. Л.Н. Гумилев атындағы ЕҰУ-де қазақ тілі мен әдебиеті бойынша магистратураны бітірген. Сондай-ақ, Ұлыбританиядағы Абердин университетінде магистратурада оқыған. Республикалық телеарналарда қызмет атқарған. 2026 жылдан бастап «ҚазАқпарат» халықаралық ақпарат агенттігінің тілшісі.