АСТАНА. KAZINFORM – Бүгін қазақстандық аралас жекпе-жек шебері Азат Мақсұм АҚШ-та өткізген кезекті айқасында қарсыласына есе жіберді.
АҚШ-та өткен UFC Fight Night 235 турнирінде Азат Мақсұм америкалық файтер Чарльз Джонсонмен үш раундтың қорытындысы бойынша жеңілді. Төрешілер (29-28, 29-28, 29-28) есебімен Чарльз Джонсонды жеңімпаз деп таныды. Осылайша отандасымыз кәсіби мансабында алғаш рет жеңіліске ұшырады.
Азат Мақсұм бұған дейін 17 мәрте қарсыластарынан басым түскен болса, Чарльз Джонсонда 14 жеңіс, 6 жеңіліс бар.
Азат өткен жылы шілде айында UFC-дегі дебютінде АҚШ өкілі Тайсон Нэмнен (21-14-1) басым түскен болатын.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.