АҚТАУ. KAZINFORM - Бүгін әзербайжандық сейсмологтар Каспийде магнитудасы 3,9 балл болатын жер сілкінісін тіркеді.
Әзербайжан Ұлттық Ғылым академиясы жанындағы Республикалық сейсмологиялық қызмет орталығының жедел деректеріне сәйкес, жер сілкінісінің ошағы 39,40 солтүстік ендікте және 51,77 шығыс бойлықта жатыр. Жерасты дүмпулері Баку уақытымен 16-53 аралығында тіркелді.
Айта кетейік, Маңғыстау облысының төтенше жағдайлар департаментінің шұғыл нөмірлеріне осы жағдай бойынша қоңыраулар түскен жоқ.
Жанкелді Қаржан
2006-2010 ж.ж. Е. Бөкетов атындағы Қарағанды мемлекеттік университетінде оқыды. Мамандағы - журналист. Еңбек жолын 2008 жылы «Орталық Қазақстан» газетінде бастап, 2010-2015 ж.ж. «Халық сөзі», «Алаш айнасы» басылымдарында еңбек етті. «Экспресс К», «Аrbat.media.kz», ақпараттық сайттарында жұмыс істеген. 2022 жылдан mangystaumedia.kz қызметкері, 2024 жылдан бастап Kazinform агенттігінің Маңғыстау облысындағы меншікті тілшісі.