КУРДЕМИР. ҚазАқпарат - 3 қыркүйекте Әзербайжанның Курдемир станциясынан оңтүстікке қарай 14 шақырым жерде - Курдемир аймағында жер сілкінісі болды, деп хабарлайды ҚазАқпарат жергілікті ақпарат көзіне сілтеме жасап.
Әзербайжан Ұлттық ғылым академиясының Республикалық сейсмологиялық қызмет орталығынан мәлім еткендей, жергілікті уақыт бойынша сағат 20:38-де тіркелген жер сілкінісінің магнитудасы 5,2 баллға жетті.
Эпицентрі 52 шақырым тереңдікте болған жер сілкінісінің дүмпулері Агдаш, Ахсу, Гойчай, Саатлы, Бейлаган, Ярдимли, Габала және басқа аймақтарда сезілгені атап өтілді.
Асхат Райқұл
М.Х.Дулати атындағы ТарМУ түлегі. Журналистика саласында 15 жылдан бері еңбек етіп келеді. Аймақтық, салалық, республикалық басылымдарда, интернет-порталдарда түрлі қызметтер атқарған.
2022 жылдан бері - ҚазАқпарат агенттігінің шығарушы редакторы.