Бүгін Астана халықаралық әуежайына Аичи-Нагояда өткен XX жазғы Азия ойындарына қатысқан Қазақстанның велотрек құрамасы елге оралды.
Құрама сапында тарихи жетістікке қол жеткізген Рината Сұлтанова да бар.
Ол тас жолдағы велоспорттан топ жарып, Қазақстан тарихындағы алғашқы Азия ойындарының алтынын жеңіп алды.
Сондай-ақ велотректегі омниум сайысында күміс жүлдеге ие болды.
— Жеңіске жетуіме күнделікті жаттығу, өзіммен жұмыс істеуім көмектесті. Әрине, Азиаданың қос жүлдесін алғаныма қуаныштымын. Бірінші кезекте тас жолдағы велоспортта топ жаруды көздеген едім. Сол мақсатым орындалды. Барша қолдаған жандарға алғысым шексіз! Шынымды айтсам, бүгін әуежайда осынша көп жанкүйер мен Павлодардан арнайы келген достарым болады деп күтпедім. Өте қуаныштымын, — деді Рината Сұлтанова.
Спортшыларды ҚР Туризм және спорт министрлігінің өкілдері, достары, отбасы мүшелері мен жанкүйерлері қарсы алды.
Бұған дейін Азиадада қай спортшылар тарихқа енгенін жазғанбыз.