Азия чемпионаты: Екі дзюдошымыз мерзімінен бұрын ширек финалға жолдама алды
АСТАНА. KAZINFORM — Ордос қаласында (ҚХР) өтіп жатқан дзюдодан Азия чемпионатында жарыстың екінші күніндегі белдесулер жалғасып жатыр, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Фото: Спортты дамыту дирекциясы
Отандастарымыз Абылайхан Жұбаназар мен Әділет Алмат (-81 кг) қарсыластарын мерзімінен бұрын жеңіп, ширек финалға шықты.
Фото: Спортты дамыту дирекциясы
Абылайхан қытайлық Ши Чжэньюйді жеңсе, Әділет Қырғызстан өкілі Чынгызхан Сағыналиевтен басым түсті.
Фото: Спортты дамыту дирекциясы
Бұған дейін осы кезеңде (-73 кг) салмақта өнер көрсеткен Әсет Қуанов қытайлық Линь Гаохуэйге есе жіберді.
Осыған дейін дзюдошы Дана Әбдірова Азия чемпионатының ширек финалына өткенін жаздық.