АСТАНА. KAZINFORM – Қазақстандық теннисшілер Анна Данилина мен Юлия Путинцева жұптық сында Азия ойындарының жүлдесіне ілікті.
Қазақстандық жұп жартылай финалда Қытайлық Тайбэй өкілдері Се Шувэй – Лян Эньшомен бетпе-бет келді. Қос сет те тай-брейкпен аяқталып, тайбэйліктердің пайдасына шешілді – 7:6 (7:3), 7:6 (7:5).
Осылайша, Се Шувэй мен Лян Эньшо финалға жолдама алды. Ал Анна Данилина мен Юлия Путинцева қола жүлдені қанағат тұтты.
Қазақстандық спортшылар теннис турнирін қос қоламен аяқтады. Мұның алдында Ю.Путинцева жекелей сында қола медальға ие болған еді.
Еске сала кетейік, бұдан бұрын Юлия Путинцеваның Азия ойындарының жартылай финалында ойнайтынын жазған едік.
Сондай-ақ Азия ойындарында Данилина мен Путинцева жартылай финалға жолдама алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).