«Көп жағдайда балалар түнгі уақытта қылмыстың құрбаны болады. Осыған байланысты, 2010 жылдан бастап балалардың заңды өкілдерінің ертіп жүруінсіз тұрғын үйден тыс көшелерде және ойын-сауық мекемелерінде жүруіне тыйым салынды. Ойын-сауық мекемелерінде олар сағат 22:00-ден кейін және 6:00-ге дейін, көшеде – сағат 22:00-ден кейін жүре алмайды. Бұл үшін арнайы жауапкершілік қарастырылған: ата-аналар үшін жаза – 3 АЕК мөлшерінде айыппұл (шамамен 9 мың теңге); меншік нысанына байланысты кәсіпкерлік субъектілері үшін – 10-50 АЕК-ке дейін немесе 30-дан 145 мың теңгеге дейін айыппұл салынады», - деді спикер ІІМ-де өткен онлайн-брифинг барысында.
Бұған дейін А. Милюк Қазақстанда 5 мыңнан астам бала полиция есебінде тұрғанын айтқан еді.
Сонымен бірге, Қазақстанда кәмелетке толмағандарға қатысты зорлық-зомбылық қылмыстары азайып келеді.