«Барыс» бес ойынға созылған сәтсіздік сериясын тоқтата алды
АСТАНА. KAZINFORM — Қазақстандық «Барыс» командасы бүгін, яғни 7 қарашада Құрлықтық хоккей лигасындағы кезекті ойынын елордада Ресейдің «Автомобилист» (Екатеринбург) командасына қарсы өткізді.
Фото: Виктор Федюнин / Kazinform
Елордалық команда кейінгі ойындарда сәтсіз өткізіп келеді. Соңғы бес кездесуде жеңілістің ащы дәмін татқан команда турнир кестесінде жағдайын біршама қиындатып алды. Сондықтан бүгінгі матчта олар жеңіске жетуге бар күшін салатыны анық еді.
Фото: Виктор Федюнин / Kazinform
Кездесу барысында қазақстандық команда алғашқы минуттан тізгінді өз қолында ұстауға тырысты. Нәтижесінде 23-минутта Дінмұхамед Қайыржан қақпаны дәл көздесе, Мэйсон Морелли 28-минутта есепті ұлғайта түсті.
Фото: Виктор Федюнин / Kazinform
Ойынның 31-минутында ресейлік клубтан Кёртис Волк мергендік танытса, 40-минутта Александр Шаров таразы басын теңестірді.
Фото: Виктор Федюнин / Kazinform
Негізгі кезеңде 2:2 есебімен аяқталып, ойын овертаймға ұласты. Овертаймда елордалық клубтан Тайс Томпсонжеңіс шайбасын соғып кетті.
Фото: Виктор Федюнин / Kazinform
Осылайша «Барыс» қатарынан бес жеңілістен кейін қарсыласын қапы қалдыруға мүмкіндік туды.
Қазақстандық клуб бұдан кейін тағы бір ойынын елордада өткізіп, 9 қарашада Ресейдің «Металлург» (Магнитогорск) клубымен шеберлік байқасады.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.