«Барыс» елордада «Сибирь» командасынан басым түсті
АСТАНА. KAZINFORM - Қазақстандық «Барыс» командасы бүгін Құрлықтық хоккей лигасындағы соңғы ойынын елордада «Сибирь» (Новосібір) командасына қарсы өткізді.
Фото: Виктор Федюнин / Kazinform
Кездесу барысында командалар бірінші кезеңде бір-бірінің қақпасынан саңылау таба алған жоқ.
Екінші кезеңнің 26-минутында елордалық командадан Аркадий Шестаков көздеген нысанадан мүлт кеткен жоқ.
Осылайша «Барыс» қарсыласынан 1:0 есебімен басым түсті. Нәтижесінде елордалық команда биылғы маусымды жеңіспен аяқтады.
Фото: Виктор Федюнин / Kazinform
Екі команда бұған дейін 54 мәрте кездескен. Оның 25-і елордалық клубтың басымдығымен аяқталса, қалған ойында ресейлік команда жеңіске жеткен.
Турнир кестесінде «Барыс» 66 ойыннан кейін 48 ұпаймен 22-орында тұр. Ал «Сибирь 67 ойыннан кейін 67 ұпаймен 18-орында келеді.
Фото: Виктор Федюнин / Kazinform
Айта кетейік, астаналық клуб соңғы 10 ойынның тоғызында қарсыластарына есе жіберді. Еске салсақ, бұдан бұрын «Барыс» елордада «Лада» командасына жол берді.
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.