АСТАНА. KAZINFORM - Қазақстандық «Барыс» командасы бүгін, яғни 19 қаңтарда Құрлықтық хоккей лигасындағы кезекті ойынын Ресейде «Локомотив» (Ярославль) командасына қарсы өткізді.
Фото: Виктор Федюнин / Kazinform
Қатарынан он мәрте жеңілістің ащы дәмін татқан елордалық клуб турнир кестесінде соңғы орынды місе тұтып тұр. Ал ресейлік клуб биыл сәтті ойын көрсетіп, көш басында келеді.
Фото: Виктор Федюнин/Kazinform
Сондықтан қазақстандық ұжым үшін бүгінгі ойын оңайға соқпайтыны белгілі еді. Соған қарамастан бірінші кезеңде екі команда бір-бірінің қақпасынан саңылау таба алған жоқ.
Фото: Виктор Федюнин / Kazinform
Екінші кезеңде алғашқы минуттан ресййлік команда белсенділікті арттырды. Нәтижесінде олардың қатарынан Александр Радулов 20-минутта көздеген нысанадан мүлт кеткен жоқ.
Фото: Виктор Федюнин/Kazinform
Одан кейін Байрон Фрейз 25-минутта мергендік танытса, 38-минутта Александр Радулов тағы бір мәрте көзге түсті.
Фото: Виктор Федюнин/Kazinform
Осылайша «Барыс» қарсыласына 0:3 есебімен есе жіберіп, қатарынан он бірінші ойында жеңілістің ащы дәмін татты.
Фото: Виктор Федюнин/Kazinform
Айта кетсек, елордалық клуб бұдан кейінгі екі ойынын елордада өткізеді. Алдымен 23 қаңтарда Ресейдің «Адмирал» (Владивосток) командасымен кездессе, 26 қаңтарда «Ак Барс» (Қазан) клубымен ойнайды.
Фото: Виктор Федюнин/KazinformФото: Виктор Федюнин/KazinformФото: Виктор Федюнин / Kazinform
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.