АСТАНА. ҚазАқпарат – «Барыс» Құрлықтық хоккей лигасындағы кезекті ойынын бүгін елордада Ресейдің «Сибирь» (Новосібір) командасына қарсы өткізді, деп хабарлайды ҚазАқпарат тілшісі.
Кездесу барысында қазақстандық клуб ойынды белсенді бастады. Нәтижесінде 5-минутта Антон Сагадеев есеп ашты. Одан кейін ресейлік клубтан Денис Голубев таразы басын теңестірді.
Екінші кезеңде командалар есепті өзгертуге тырысты. Дегенмен таблодағы есеп өзгеріссіз қалды.
Үшінші кезеңде ресейлік хоккейші Александр Шаров 42-минутта «Сибирь» командасын шығарды.
Осылайша «Барыс» қарсыласына 1:2 есебімен есе жіберді. Елордалық клуб қатарынан төртінші мәрте жеңіліп отыр.
Енді «Барыс» алдағы ойынын 19 қаңтарда Ресейде «Трактор» (Челябі) командасына қарсы өткізеді.
Еске салсақ, бұдан бұрын «Барыс» қатарынан үш ойында жеңіліп қалды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.