НҰР-СҰЛТАН. ҚазАқпарат - «Барыс» құрлықтық хоккей лигасында бүгін, 19 қарашада, елордада Ресейдің «Авангард» (Омбы) командасын қабылдайды, деп хабарлайды ҚазАқпарат тілшісі.
Ойын елорда уақытымен сағат 19.30-да басталып, Qazsport телеарнасынан тікелей эфирде көрсетіледі.
Екі команда бұған дейін 55 мәрте кездесті. Оның 19-ы «Барыстың» басымдығымен аяқталса, қалғанында ресейлік клуб жеңіске жетті. Айта кетерлігі, екі команданың соңғы төрт кездесуінің үшеуінде елордалық хоккейшілердің мерейі үстем болды.
«Барыс» 23 ойыннан кейін 25 ұпай жинап, турнир кестесінде 16 орында келеді. Ал 26 ойыннан кейін 36 ұпай еншілеген «Авангард» 5 орында тұр.
Бұдан бұрын«Барыс» буллитте «Металлургке» жол берді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.