ОРАЛ. KAZINFORM – Орал қаласында жасөспірім суға кетті.
БҚО ТЖ департаментінің баспасөз қызметінен мәлім еткеніндей, оқиға 9 шілде күні қалаға қарасты Желаев кентінде болды.
«Сағат 14.40-та «Арна» демалыс базасында «Карьер» жасанды су қоймасында қайғылы оқиғаның болғаны жөнінде хабар түсті. Жергілікті тұрғындар жасөспірімнің денесін судан шығарып алды. Өлімнің себебі анықталу үстінде. Сот-медициналық сараптама тағайындалды», - деп хабарлады ведомстводан.
Өңірде соңғы күндері осындай екінші оқиға тіркеліп отыр.
Еске сала кетейік, бұдан бұрын БҚО-да жоғалып кеткен жасөспірімнің денесі өзеннен табылғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).