ОРАЛ. ҚазАқпарат - Батыс Қазақстан облысында далада құрғақ шөп жанып жатыр, деп хабарлайды ҚазАқпарат тілшісі.
Фото: БҚО ТЖД баспасөз қызметі
БҚО ТЖД баспасөз қызметінен түскен мәліметке қарағанда, өрт 2 тамыз күні Сырым ауданында тұтанды.
«Сағат 17.42-де Жетікөл ауылдық округі аумағында құрғақ шөп жанып жатқаны жөнінде хабар түскен. Екі учаскеде Дәулетбайда - 42 га, Аққұдықта - 38 га жер отқа оранды. Оқиға орнында төтенше жағдайлар департаментінен 14 адам 2 техникамен және ерікті өрт сөндіру құрылымынан 16 адам 3 техникамен жұмыс жасап жатыр», - деп хабарлады ведомстводан.
Еске сала кетейік, бұдан бұрын БҚО-да тұрғын үй өртеніп, жас отбасы баспанасыз қалғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).