ОРАЛ. ҚазАқпарат – Батыс Қазақстан облысында 14 жасар бала суға кетіп қалды, деп хабарлайды ҚазАқпарат тілшісі.
Бөрлі ауданы Төтенше жағдайлар бөлімінен мәлім еткеніндей, оқиға 30 маусым күні Ақбұлақ ауылдық округінде болды.
«Сағат 19.19-да жергілікті тұрғындар Ақбұлақ ауылынан 500 метр жердегі сайдан 2009 жылғы баланың денесін шығарып алды. Бала белгісіз жағдайда суға батып кеткен. Қазіргі кезде оқиғаның жай-жапсары анықталып жатыр», - деп хабарлады ведомстводан.
Еске сала кетейік, бұдан бұрын Орал қаласы маңында құрғақ шөп пен бұталар өртеніп жатқанын жазған болатынбыз. Бұл өрт 1 шілдеге қараған түні, сағат 00.30-да толықтай сөндірілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).