ОРАЛ. ҚазАқпарат - Батыс Қазақстан облысында 68 143 адам ревакцинациядан өтті, деп хабарлайды ҚазАқпарат тілшісі.
БҚО денсаулық сақтау басқармасының баспасөз қызметі мәлім еткеніндей, осы кезге дейін облыс бойынша 273 352 адам вакцинаның бірінші компонентімен егілді, бұл - егілуге тиісті тұрғындардың 66 пайызы.
Сондай-ақ 261 873-і (63 пайызы) екінші компонентті де салдырды.
Қазіргі кезде өңірде 54 457 доза І, 114 422 ІІ компонент вакцина бар.
Pfizer вакцинасын 10 706 адам қабылдаса, соның 406-сы - жүкті, 4 750-і - бала емізетін әйелдер, 5541-і - жасөспірімдер, 9-ы - мүгедектер.
Басқарма мәліметіне қарағанда, күні бүгін 511 төсектік 12 инфекциялық стационарда 5 науқас ем қабылдауда. Жансақтау бөлімшесіндегі 3 адамның біреуі ауыр, екеуі аса ауыр халде.
Жыл басынан бері 43 адам коронавирустан көз жұмды.
Еске сала кетейік, бұдан бұрын БҚО-да коронавируспен ауырған 1600-ден астам адамның оңалту курсынан өткенін жазған болатынбыз.
Сондай-ақ Оралда тоғыз айлық сәби эскалатордан құлап кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).