ОРАЛ. ҚазАқпарат – Батыс Қазақстан облысында коронавирус жұқтырған 67 бала ауырып жатыр, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, олардың бәрі де амбулаторлық ем алуда.
Жыл басынан бері барлығы 2189 бала сырқаттанса, соның осы кезге дейін 2122-сі жазылып шықты.
БҚО денсаулық сақтау басқармасынан түскен мәліметке қарағанда, күні бүгін 1459 төсектік 20 инфекциялық стационарда 526 адам емделуде. Соның ішінде 423-і Орал қаласында.
Жансақтау бөлімшелерінде 44 науқас жатыр.
Соңғы аптада алдыңғымен салыстырғанда, коронавирус жұқтыру көрсеткіші 14,8 пайызға (120-ға) төмендеді.
Індет тарай басталғаннан бері облыс бойынша барлығы 35 578 науқас тіркелсе, соның 27 443-і емделіп шықты. 695-і коронавирустан көз жұмды.
Еске сала кетейік, бұдан бұрын БҚО-да коронавирусқа шалдыққан 40-тан астам науқастың ауыр халде жатқанын жазған болатынбыз.
Сондай-ақ Оралда мектепте кварцтан 10 оқушының көздері зақымданды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).