ОРАЛ. ҚазАқпарат - Батыс Қазақстан облысында республикалық жол жабылды, деп хабарлайды ҚазАқпарат тілшісі.
«ҚазАвтоЖол» АҚ Батыс Қазақстан облыстық филиалының мәліметіне қарағанда, 18 желтоқсан күні сағат 00.45-тен бастап республикалық маңызы бар Самара-Шымкент жолында (266-394 шақырым аралығы, Теректі ауданы Подстепный ауылынан Жымпитыға дейін) барлық көлік түрлері үшін қозғалысқа шектеу қойылды.
Жабылу себебі - жаңбыр аралас қар, тұман, көктайғақ.
БҚО ТЖ департаменті соңғы күндері ауа райының құбылмалы болуына байланысты тұрғындарға сақ болу керектігін ескертеді.
Еске сала кетейік, бұдан бұрын БҚО-да ауа райының нашарлауына байланысты жол жабылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).