ОРАЛ. ҚазАқпарат - Батыс Қазақстан облысында соңғы төрт күнде 392 адамнан коронавирус табылды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаментінің баспасөз қызметінен түскен мәліметке қарағанда, соның 287-сінде ауру белгілері болса, 105-і - симптомы жоқтар.
Вирус жұқтырғандардың 227-сі ЖРВИ белгілері бойынша тексерілген, 128-і бұрын ауырғандармен қарым-қатынаста болған, 31-інен профилактикалық мақсатта, 6 адамнан стационарға жатқызар алдында сынама алынған.
Ауырғандардың 176-сы Оралда, 92-сі Бәйтерек, 49-ы Бөрлі ауданында анықталған.
Жалпы, індет тарағалы бері облыста 21503 науқас тіркелсе, соның 16633-і жазылып шықты. 319 адам көз жұмды.
Еске сала кетейік, бұдан бұрын БҚО-да инфекциялық стационарларда 500-ге жуық адамның жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).