ОРАЛ. ҚазАқпарат – Батыс Қазақстан облысында соңғы төрт күнде 435 адам коронавирус жұқтырды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның 269-ында ауру белгілері болса, 166-сы – симптомы жоқтар.
Ауырғандардың 238-і ЖРВИ белгілері бойынша тексерілсе, 61-і бұрын індет жұқтырғандармен қарым-қатынаста болған. 134-інен профилактикалық мақсатта, екеуінен эпидемиологиялық қадағалау бойынша сынама алынған.
Бұлардың 130-ы Орал қаласында, 62-сі Бөрлі, 60-ы Бәйтерек ауданында тіркелген.
Департамент мәліметіне қарағанда, індет басталғаннан бері 34 422 науқас анықталса, соның 26 397-сі жазылып шықты. 656-сы өмірден озды.
Сырқаттанғандардың 17 633-і Орал қаласы, 4553-і Бәйтерек, 4206-сы Бөрлі,1539-ы Теректі, 1213-і Ақжайық ауданының үлесіне тиеді.
Еске сала кетейік, Батыс Қазақстанда педагогтардың 95,1 пайызы екпе салдырған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).