ОРАЛ. ҚазАқпарат – Батыс Қазақстан облысында соңғы төрт күнде 440 адамнан коронавирус табылды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның ішінде 298-інде ауру белгілері болса, 142-сі – симптомы жоқтар.
Ауырғандардың 258-і ЖРВИ белгілерімен дәрігерге қаралған. 72-сі бұрын коронавирус жұқтырғандармен байланыста болған. 103-і профилактикалық, жетеуі эпидемиологиялық бақылау мақсатында тексерілген.
Департамент мәліметіне қарағанда, науқастардың 135-і Орал қаласында, 71-і Бәйтерек, 64-і Бөрлі, 41-і Тасқала, 29-ы Теректі, 25-і Ақжайық ауданында тіркелген.
Індет басталғаннан бері өңірде барлығы 33 584 адамнан коронавирус табылса, соның 25668-і жазылып шықты. 636-сы көз жұмды.
Барлық сырқаттанғандардың 17327-сі Орал қаласы, 4427-сі Бәйтерек, 4067-сі Бөрлі ауданының үлесіне тиеді.
Еске сала кетейік, бұдан бұрын Батыс Қазақстанда инфекциялық стационарларда 630-ға жуық науқастың емделіп жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).