ОРАЛ. ҚазАқпарат – Батыс Қазақстан облысында соңғы төрт тәулікте 335 адамнан коронавирус анықталды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, соның 225-інде ауру белгілері болса, 110-ында сырқат сезілмеген.
Ауырғандардың 171-і ЖРВИ белгілері бойынша тексерілсе, 88-і бұрын ковид жұқтырғандармен қарым-қатынаста болған. 72-сі профилактикалық, 4 адам эпидемиологиялық қадағалау мақсатында қаралған.
Коронавирус табылғандардың 144-і Орал қаласында, 36-сы Бәйтерек, 31-і Бөрлі, 26-сы Шыңғырлау, 19-ы Теректі, 18-і Ақжайық ауданында тіркелген.
Індет тарай бастағалы облыс бойынша 35 830 науқастың 27 850-і жазылып шықты. 702 адам өмірден өтті.
Барлық ауырғандардың 18 138-і Орал қаласының, 4741-і Бәйтерек, 4384-і Бөрлі, 1620-сы Тасқала, 1287-сі Ақжайық, 1039-ы Казталов, 1016-сы Шыңғырлау ауданының үлесіне тиеді.
Еске сала кетейік, бұдан бұрын БҚО ауруханаларында 500-ден астам науқастың коронавирустан ем алып жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).