ОРАЛ. ҚазАқпарат - Батыс Қазақстан облысында тағы бір жасөспірім суға кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға бүгін Оралда Чапаев атындағы затон аумағында болды.
Сағат 16.08-де 2005 жылғы жасөспірім шомылуға тыйым салынған жерден Жайық өзеніне түсіп, батып кеткен.
Сағат 16.40-та оқиға куәгерлері марқұмның денесін судан шығарды.
Оқиға орнына жедел құтқару жасағы (4 адам, 1 техника, 1 жүзу құралы), полицейлер (4 қызметкер, 2 техника) барды.
Батыс Қазақстан облысында осымен 10 адам суға кетсе, соның үшеуі жасөспірімдер болып отыр.
Еске сала кетейік, бұдан бұрын БҚО-да жас жігіттің суға кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).