ОРАЛ. ҚазАқпарат - Батыс Қазақстан облысында тағы бір жол жабылды, деп хабарлайды ҚазАқпарат тілшісі.
БҚО жолаушылар көлігі және автомобиль жолдары басқармасынан түскен мәліметке қарағанда, жергілікті сағат 13.15-тен бастап Чапаев-Жаңақала-Сайқын автожолы барлық көлік түрлері үшін жабылды.
«Қазгидромет» РМК мәліметі бойынша қолайсыз ауа райы 28 желтоқсан күні де жалғасады.
Облыстың басым бөлігінде түнде қар жауады. Кей жерлерде тұман түсіп, көктайғақ болып, жаяу бұрқасын көтеріледі. Солтүстік-батыстан соғатын желдің жылдамдығы кей жерлерде секундына 15-20 метрге жетеді.
Орал қаласында да тұман, көктайғақ, жаяу бұрқасын болады. Бүгін де қалада бұрқасын соғып, соның салдарынан Зачаган кентінде жарық өшіп қалды.
Еске сала кетейік, бұдан бұрын БҚО-да жол жабылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).