ОРАЛ. ҚазАқпарат - Батыс Қазақстан облысында жоғалып кеткен тұрғын іздестірілуде, деп хабарлайды ҚазАқпарат тілшісі.
Қазталов аудандық ішкі істер бөлімі Жалпақтал полиция бөлімінің криминалдық полиция тобының жедел уәкілі, полиция аға лейтенанты Асан Мұстағатовтың сөзіне қарағанда, осы ауданға қарасты Ақпәтер ауылының 34 жасар тұрғыны 18 сәуір күні жоғалып кеткен. Содан бері іздестірілуде.
Дамир Сатыбалдиев сол күні сағат 17.00 шамасында үйінен шығып кеткеннен оралмаған. Оның бойы 165-170 см, арықша келген, шашы қысқа, қара. Үстінде сұр түсті күрте киіп шыққан. Сұр трико мен қоңыр түсті сүйретпе болуы мүмкін.
Көрген-білгендер болса, БҚО ішкі істер департаменті, 8(7112) 51-04-50, 92-10-26 немесе 102 нөміріне, сондай-ақ Жалпақтал полиция бөлімі кезекшісіне 8(71138)21-150, 21-490 нөміріне хабарласуы сұралады.
Еске сала кетейік, бұдан бұрын осы ауданда өткен жылы жоғалып кеткен тұрғынның денесі табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).