ОРАЛ. ҚазАқпарат – Батыс Қазақстан облысында жол апатынан жолаушы қаза тапты, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, оқиға 7 наурыз күні кешкісін Ақжайық ауданы аумағында болды.
Шамамен сағат 19.30-да Томпақ ауылынан 10 шақырым жерде «Митцубиси Монтеро» автокөлігінің 1974 жылғы жүргізушісі алдындағы көлікті басып озған мезетте рульге ие бола алмаған. Содан «Рено» жүк көлігіне соғылып, жол жиегіне аударылған.
Жол апаты салдарынан 1968 жылғы ер адам оқиға орнында көз жұмды.
БҚО полиция департаменті ауа райын ескере отырып, жүргізушілерге жолда абай болып, жол жүру ережесін бұзбау керектігін еске салады.
Еске сала кетейік, бұдан бұрын Батыс Қазақстанда боранға байланысты жолдарда қозғалыс шектелгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).