ОРАЛ. 4 маусым. ҚазАқпарат - Бөкейордалық жас талант Нұрғиса Төлегенов Алматы қаласында өткен балалар шығармашылығының «Бозторғай» халықаралық байқауынан үшінші жүлдемен оралды.
Бисен ауылдық округіне қарасты Жиекқұм ауылында тұратын Нұрғиса жеті жасынан ән салып келеді. Бұдан бұрын облыс көркемөнерпаздары қатарында Астанада өнер көрсетіп, сондай-ақ «Айгөлек», «Балдәурен» байқауларына қатысты.
«Бозторғай» байқауында ол «Әлия», «Теріскей» әндерін орындап, Бибігүл Төлегенова бастаған қазылар алқасының әділ бағасын алды.
Өнер жолына жетелеп жүрген әкесі Дүйсенбай Ижановтың айтуынша, Нұрғиса биыл бесінші сыныпты үздік бітіріп отыр. Оның киімдерін оралдық белгілі сәнгер Ақкенже Девятко тігеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).