АСТАНА. KAZINFORM — Баянауыл мемлекеттік ұлттық табиғи паркінің аумағын әуеден барлау кезінде тауда еркін жүрген арқарлар бейнекамераға түсіп қалды. Ерекше кадрларды «Қазавиаорманқорғау» РМҚК Баянауыл авиациялық бөлімшесінің бастығы Жасұлан Сәтбаев түсірген. Бұл туралы Экология министрлігі мәлім етті.
Әуеден барлау барысында орман алқаптарының жағдайы бақыланып қана қоймай, табиғи аумақтағы жануарлар дүниесін де кездестіруге мүмкіндік туады. Бұл жолы Баянауыл тауларында жүрген арқарлар объективке ілікті.
— Осындай кадрлар — ерекше қорғалатын табиғи аумақтағы жабайы жануарлардың табиғи тіршілігінен бір көрініс, — делінген хабарламада.
бұған дейін Шығыс Қазақстан облысындағы Тарбағатай мемлекеттік ұлттық табиғи паркі аумағында арқарлар фототұзаққа бірнеше рет түсіп қалғанын жазған едік.
Бақытгүл Абайқызы
Е.А. Бөкетов атындағы Қарағанды мемлекеттік университетінің түлегі. Л.Н. Гумелев атындағы Еуразия Ұлттық Университетінің магистрі. "Ақпарат саласының үздігі" салалық төсбелгі иегері (2018 ж.)