АСТАНА. ҚазАқпарат - Оңтүстік Қазақстан облысында көрші ауылдың азаматын атып тастаған Сарыағаш қаласының тұрғынына іздеу жарияланды. Бұл туралы ҚР ІІМ Мемлекеттік тіл және ақпарат департаментінің директоры Алмас Садубаев мәлім етті, деп хабарлайды ҚазАқпарат.
Оның айтуынша, кеше Оңтүстік Қазақстан облысының Сарығаш қаласында жергілікті тұрғын көрші ауылдың азаматын белгісіз қарумен атқан. Жәбірленуші оқ жарақатынан ауруханада көз жұмды.
«Жедел іздестіру және тергеу шараларының нәтижесінде қылмысты жасаған күдікті анықталып, іздеу жарияланды. Бірқатар сараптама тағайындалды. Тергеу амалдары жүргізілуде», - деді Алмас Садубаев.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.