Қазақстандық, әлемнің 249-ракеткасы Бейбіт Жұқаев Қытайдағы Шэньчжэнь 3 челленджер турнирін жеңіспен бастады, деп хабарлайды Kazinform.
Қазақстандық теннисші 1/8 финалда дүниежүзілік рейтингте 726-орында тұрған қытайлық Сяофэй Ванмен шеберлік таластырды.
Бейбіт Жұқаев 6:3, 6:4 есебімен жеңіске жетті. Бір сағаттан астам уақытқа созылған бәсеке барысында ол 11 эйс жасап, 2 брейк-пойнттан шашау шығарған жоқ.
Б.Жұқаев ширек финалға шығу үшін әлемнің 112-інші, осы жарыстың 1-ракеткасы, америкалық Александр Ковачевич немесе рейтингте 1692-сатыдағы қытайлық Чарльз Ченнің біреуімен таласады.
Тағы бір қазақстандық Денис Евсеев алғашқы айналымда беларусьтық Егор Герасимовпен ойнайды.
Еске сала кетейік, бұдан бұрын теннисші Бейбіт Жұқаевтың әлемдік рейтингіде 53 сатыға жоғары көтерілгенін жазған болатынбыз.
Сондай-ақ Александр Бублик Бельгиядағы турнирдің ширек финалына шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).