ОРАЛ. ҚазАқпарат – Батыс Қазақстан облысында 194 811 адам коронавирус вакцинасының бірінші компонентін салдырды, деп хабарлайды ҚазАқпарат тілшісі.
БҚО санитарлық-эпидемиологиялық бақылау департаменті мәлім еткеніндей, өңірде 360 мың тұрғын вакцина алуы тиіс болса, соның 54,1 пайызы бірінші компонентпен егілді.
Сондай-ақ 154 314-і немесе 42,9 пайызы екінші компонентті қабылдап үлгерді.
Облыс орталығында 215 461 адамның 103 277-сі (47,9 пайызы) бірінші, 81 035-і (37,6 пайызы) екінші компонентпен егілді.
Вакцинациялау жөнінен облыс бойынша ең жоғары көрсеткіш Жәнібек ауданында. Мұнда 8285 адамның 5682-сі немесе 68,6 пайызы бірінші, 4951-і (59,8 пайызы) екінші компонентті қабылдады. Ал Жаңақала ауданы көш соңында келеді. Бұл ауданда вакцинаның бірінші компонентін салдырғандардың (12 281 адамның 4940-ы) саны әзірге 40,2 пайыздан асқан жоқ. Екінші компонентін алғандар (3736) – 30,4 пайыз.
Департамент мәліметіне қарағанда, өңірде 47 егу кабинеті жұмыс жасап жатыр.
Еске сала кетейік, бұдан бұрын Батыс Қазақстанда педагогтардың 95,1 пайызы екпе алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).