ОРАЛ. ҚазАқпарат – Батыс Қазақстан облысында 224 319 адамға коронавирусқа қарсы вакцинаның бірінші компоненті егілді, деп хабарлайды ҚазАқпарат тілшісі.
БҚО денсаулық сақтау басқармасы мәлім еткендей, бұл – егілуге тиісті тұрғындардың 62,3 пайызы.
Соның ішінде 201 746-сы (56 пайыз) екінші компонентті қабылдады.
Өткен тәулікте 586 адам бірінші компонентті салдырды. Соның ішінде 57-сі – созылмалы сырқаты бар адамдар, 10-ы – студент, 8-і – педагог.
Басқарма мәліметіне қарағанда, пандемия басталғаннан бері 37 810 науқас тіркелді. Жыл басынан бері сырқаттанған 28 589 адамның 19 766-сында ауру белгілері болды.
Биыл 2667 баладан індет анықталса, 2589-ы жазылып шықты. 78-і емделу үстінде.
Қазіргі таңда 959 адам амбулаториялық ем алуда. Облыс стационарларында 316 науқас жатса, соның 27-сі ауыр халде. Үшеуі инвазивті жасанды тыныс алу аппаратына қосылған.
Еске сала кетейік, бұдан бұрын БҚО-да 1 мыңға жуық науқастың коронавирустан үйінде емделіп жатқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).