ОРАЛ. ҚазАқпарат – Батыс Қазақстан облысында 259 915 адам коронавирусқа қарсы вакцинаның бірінші компонентімен егілді, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, бұл – егілуге тиісті тұрғындардың 62,7 пайызы.
Сондай-ақ 245 847 адам (59,3 пайызы) екінші компонентті қабылдады.
Облыс бойынша 26 741 адам ревакцинациядан өтті.
Өңірде 6588 адам Pfizer вакцинасын алса, соның 3455-і – жасөспірімдер, 234-і – жүкті, 2899-ы – сәби емізетін әйелдер.
Басқармадан түскен мәліметке қарағанда, пандемия басталғаннан бері 41 569, соның ішінде 2020 жылы 9 221, 2021 жылы 30 849 адам індет жұқтырды.
Жыл басынан бері 1499 адамнан коронавирус табылды.
Қазіргі таңда 504 төсектік 8 инфекциялық стационарда емделіп жатқан 169 науқастың төртеуі ауыр халде.
Еске сала кетейік, бұдан бұрын Батыс Қазақстанда инфекциялық стационарда жатқандар саны 150-ден асқанын, 57 мыңнан асттам оқушыны қашықтан білім алуда екендігін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).