Батыс Қазақстан облысының прокуратурасымен еңбек заңнамасының сақталуына талдау жүргізілді.
Нәтижесінде 51 ұйымда қызметкерлерді еңбек міндеттерін атқару кезінде жазатайым оқиғалардан міндетті сақтандырудың болмау фактілері анықталды.
— Прокурорлық қадағалау шараларының нәтижесінде 4 720 қызметкердің конституциялық құқықтары қалпына келтіріліп, олар еңбек міндеттерін атқару кезінде жазатайым оқиғалардан міндетті сақтандырумен қамтылды, — делінген хабарламада.
Қабылданған шаралар өндірістік жарақат алу, еңбекке қабілеттілігінен айырылу немесе қызметкердің қайтыс болуы жағдайында олардың әлеуметтік қорғалуын қамтамасыз етуге бағытталған.
Азаматтардың еңбек құқықтарын қорғау бағытындағы жұмыс жалғасады.
Бұған дейін Оралда өз компаниясынан 2,2 млн АҚШ долларын жымқырған кәсіпкер сотталғанын жаздық.