ОРАЛ. ҚазАқпарат – Батыс Қазақстан облысында автокөлік 4 жылқыны қағып өлтірді, деп хабарлайды ҚазАқпарат тілшісі.
БҚО полиция бақылау департаментінің баспасөз қызметі мәлім еткеніндей, оқиға 1 қараша күні шамамен сағат 21.30-да Ақжайық ауданы Тайпақ ауылы тұсында болды.
Орал-Атырау тас жолының 290-шақырымында 30 жастағы жүргізуші «Ford Transit» автокөлігімен еркін жайылып жүрген 4 бас жылқыны қағып кеткен.
Жол апаты салдарынан жануарлар оқиға орнында мерт болды.
Малдың иесі анықталған кезде ҚР Әкімшілік құқықбұзушылық кодексі 408-бабына сәйкес айыппұл салынатын болады.
Еске сала кетейік, бұдан бұрын БҚО-да жол апатынан жүргізуші қаза тапқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).