ОРАЛ. ҚазАқпарат - БҚО ІІД-нің әкімшілік полиция басқармасының қызметкерлері сот орындаушыларымен бірлесе отырып, жыл басынан бері 5,9 млн теңге әкімшілік айыппұлын төлемегені үшін 301 автокөлік иесін ұстады.
Әкімшілік полиция басқармасынан түскен мәліметке қарағанда, 4,9 млн теңге (82,7 пайыз) айыппұлды төлегеннен кейін 273 автокөлік иесіне қайтарылды.
Мамандандырылған тұрақта қазіргі кезде иелері 1 млн теңге айыппұлын төлемеген 28 көлік құралы қаңтарылып тұр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).