ОРАЛ. ҚазАқпарат - Батыс Қазақстан облысында өткен айда 709 ұрлық тіркелді, деп хабарлайды «ҚазАқпарат» тілшісі.
Облыс прокуратурасының баспасөз қызметінен түскен мәліметке қарағанда, соның ішінде ұялы телефон ұрлығы (169) көп тіркелген. Содан кейін пәтер ұрлығы 126-ға жетсе, мал ұрлығы да (66) аз емес. Қалтаға түсушілер де (46) баршылық. Есесіне бір ғана автокөлік қолды болған екен.
Қазіргі таңда ұялы телефон ұрылардың көзқұртына айналып отыр. Бір айда олар ұялы телефонның 31-ін қалтадан, 12-сін сөмкеден суырып әкетсе, 120-ін еркін жымқырған, алтауын пәтерден үптеп кеткен. Ұялы телефон ұрлығының 146-сы Оралда, 12-сі Зеленов ауданында, үшеуі Бөрліде тіркелген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).