ОРАЛ. ҚазАқпарат – Батыс Қазақстан облысында боранға байланысты республикалық жол жабылды, деп хабарлайды ҚазАқпарат тілшісі.
«ҚазАвтоЖол» ҰК» АҚ БҚО филиалының мәліметі бойынша 25 желтоқсан күнгі жергілікті сағат 19.05-тен бастап республикалық маңызы бар Орал-Тасқала-РФ шекарасы жолында (4-104 км) барлық көлік түрлері үшін қозғалысқа шектеу қойылды.
Бұл туралы БҚО ТЖ департаменті хабарлады.
Сондай-ақ департамент 26 желтоқсан күні облыстың оңтүстік-батысында тұман түсіп, көктайғақ болатынын, солтүстігінде жаяу бұрқасын көтерілетінін жеткізді. Желдің екпіні секундына 15-20, кей жерлерде 23-28 метрге жетуі ықтимал.
Осыған байланысты төтенше жағдайларды болдырмау мақсатында тиісті шаралар алынуда.
Еске сала кетейік, бұдан бұрын Батыс Қазақстанда Орал-Атырау жолы жабылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).