ОРАЛ. ҚазАқпарат - Батыс Қазақстан облысында боранға байланысты республикалық жолда қозғалыс шектелді, деп хабарлайды ҚазАқпарат тілшісі.
«ҚазАвтоЖол» ЖШС мәліметі бойынша бүгін жергілікті сағат 16.40-тан бастап көршілес Ақтөбе облысында ауа райының нашарлауына байланысты республикалық маңызы бар Самара-Шымкент (394-526 км, Жымпиты ауылынан Ақтөбе облысына дейін) жолы барлық көлік түрлері үшін жабылды.
Жабылу себебі - боран, күшті жел, жолдың көрінуі нашар.
БҚО ТЖ департаментінің баспасөз қызметі осыған байланысты ескерту жариялап, тұрғындарға хабарлама таратылып жатқанын жеткізді.
Еске сала кетейік, бұдан бұрын БҚО-да боранға байланысты республикалық жолдың жабылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).