ОРАЛ. KAZINFORM — БҚО-ның Жаңақала ауданында жүкті әйелдің босану кезінде қаза табуына байланысты тергеу амалдары жүргізіліп жатыр.
БҚО полиция департаментінің баспасөз қызметінен мәлім еткендей, 15 мамыр күні Жаңақала аудандық орталық ауруханасында жүкті әйел көз жұмған болатын.
«Аталған дерек бойынша Жаңақала аудандық полиция бөлімі тергеу амалдарын жүргізіп жатыр. Қалған іс сараптама қорытындысына сәйкес белгілі болады», деп хабарлады ведомстводан.
Еске сала кетейік, бұдан бұрын Батыс Қазақстанда жүкті әйелдің босану кезінде қайтыс болғанын жазған болатынбыз.
Сондай-ақ марқұмның күйеуі әділдік күтетінін айтты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).