ОРАЛ. ҚазАқпарат – Батыс Қазақстан облысында екі адамды өлтірген тұрғындар екі айға қамауға алынды, деп хабарлайды ҚазАқпарат тілшісі.
Бәйтерек ауданы тергеу судьясы 17 сәуір күні тергеушінің 1977 жылғы Ч. және 1993 жылғы К-ға қатысты қамауға алу түріндегі бұлтартпау шарасын қолдану жөніндегі өтінішін қанағаттандырды.
БҚО сотының баспасөз қызметінен түскен мәліметке қарағанда, аталған екеуге ҚР ҚК 99-бабы 2-бөлігі 1, 7 және 15-тармақтарына (төтенше жағдай кезінде алдын ала сөз байласып, топ болып, екі немесе одан көп адамды өлтіру) сәйкес айып тағылып отыр.
Ч. мен Х. 25 наурыз күні шамамен сағат 23.00-де жәбірленушілер Ч. мен Х-ны өлтіріп, содан кейін мүрделерін орман ішіне апарып, көміп тастаған.
Еске сала кетейік, бұдан бұрын БҚО-да екі адамды өлтірді деген күдікпен 2 тұрғынның ұсталғанын жазған болатынбыз.
Марқұмдар – азаматтық некедегі ерлі-зайыптылар.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).